MISSION VENGTHLANG-AH Red Ribbon Inter Village Football Tournament neih tawhah Round of 16 kan la inpet kai ve ziah a, mahse hei hi veng dang player-te puina zarah a ni. Amaherawhchu, hei hian kan veng Thalaite-ah chona nasa tak a thlen a, tunah hian kan veng thalaite an harhchhuak ve tan ta mek. Central YMA buatsaih Inter Branch YMA Football Tournament 2012-ah pawh kan veng hlanga khelin Pool Final kan thleng ve ta e. Tin, kan veng tlangvalte pakhat Tata Football Academi-ah, pahnih Guwahati Club-ah leh pathum MPL Club, Reiek FC-ah te kan thawhchhuak ve thei ta, hmasawnna lawmawm tak a ni a, a lawmawm e.
MIZORAM FOOTBALL ASSOCIATION (MFA): Mizoram chhunga Football Club-te enkawltu leh thuneitu sang ber chu MFA a ni a, MFA hnuaiah hian District leh Zone Football enkawltute siam leh a ni. MFA hian direct-in Mizoram Premiere Leaque leh 1st Div.-te a enkawl a, District leh Zone lamin 2nd Div. leh 3rd Div.-te an enkawl thung. Div. hrang hranga khelte hian Season khat chhunga an khelh that dan a zirin Season tharah Div. sang zawng an inhlangkai ve zel a ni.
3rd DIV.-AH TEAM PALI: Aizawl District Football Association (ADFA) hnuaia Aizawl South Zone hnuaiah 3rd Div.-a khel turin kan veng atangin Team pali laiin Affiliation tiin an in register fel ta e. Veng khat atanga Team pali daih khel thei players kan nei hi a lawmawm a, mahse a tam lam aia tha taka an khelh a, an hlawhtlinnain veng hmasawnna leh mawina a la thlen turah ngai ila. Veng chhung mipuite’n rilru leh thinlung, tha leh tui senga kan puih theihna a pui chungin beiseina nen i lo thlir teh ang u. Kan veng atanga Team in register-te —
1. FC MISSION VENGTHLANG: Mission Vengthlang Sporting Club hnuaiah FC Mission Vengthlang hi din a ni a, Pu Gilbert Lalzarliana, Y Section chu President niin players 27 an in ziak lut a ni.
2. MISSION VENGTHLANG FC: Veng chhunga Football lama tui mi intel khawmin an din a ni a, Tv. Saidingliana Sailo, Y Section chu President a ni. He Club-ah hian players 30 an in ziak lut bawk.
3. MAXI FC: Hei pawh hi veng chhung Football-a tui mite din a ni, Tv. Chawngsangzuala, Y Section kaihruaina (President) hnuaiah players 30 zet an in ziak lut bawk.
4. JUNIOR FC: Hei pawh hi veng chhung Football-a tui mite din bawk a ni a, Tv. B. Hmingthanruala, A Section kaihruaina (President) hnuaiah players 30 an in ziak lut bawk a ni. KAN NGHAKHLEL EM E: Mission Vengthlang-in rampum huapa 3rd Div.-a Football khel tura inziak lut Club pali-a players 120 vel kan nei hi a lawmawm e.
Heng kan players duhawm tak takte hian theihtawp chhuah se, ruihtheih thil, zuk leh hmuamah in sumin, veng hming ti tha turte, eizawnna tlaka inchher chhuak turte in \an han la tak tak teh se. Red ribbon leh YMA Football Tournament lo awm leh hunah pawh hengho zing atangin a tha tha kan thlan bakah veng dang tana hralhchhuah tlak eng emaw zat inchher chhuak turin lo beisei ila, he hun lo thlen hi kan nghakhlel
ZONUNMAWI THU HLA
Zonunmawi chanchinbu hi Zirtawpni zanah Zonunmawi Office, |HP Hall chung berah chhut thin a ni a; a tuk Inrinni chawhma lamah Offset-a chhut tir thin a niin, Inrinni tlai leh Pathianni tukah te veng chhungah sem thin a ni. Thu chhuah tur nei chuan Information Centre kan tarlanah leh Market kawngpui ân-a Zonunmawi Letter Box-ah te dah mai tur a ni e. Tin, veng chhung thuthar lawrkhawma Damlo kan chhuah thin hi kan hriat/buatsaih laia damdawiin-a awmte, a tuk chanchinbu chhuah ni (Inrinni)-a Damdawiin atanga lo chhuak leh hman tawhte pawh an awm thin bawk.
Veng a lo zauin, chhungkua kan lo pung zel a, chanchinbu buatsaihtute hi kan lo indaih vek thin loh avangin hriat sual/chhuah sual leh chhuah hmaih palh pawh kan nei fo mai. Veng chhung mipuite hriatthiamna kan ngen rualin, mahni thenawm hnai leh Section danga mi pawh, thuthar/damlo leh damdawiin-a awm kan hriat chu Zonunmawi Editorial Board-ah hriattir hram hram turin kan inngen leh e.
Veng chhung leh mipuite tana tha tur rawtna leh article-te han ziak zel teh u; veng chhung mipuite thuziah chhuah tur a tam hian a lawmawm a, kan ta bik hliah hliah a ni. He Zonunmawi chanchinbu hi veng chhung mipuite ta a ni tih i hre thar reng ang u khai.
Zonunmawi chhiar duh tan:
ZONUNMAWI August 25,2012
ZONUNMAWI THU HLA
Zonunmawi chanchinbu hi Zirtawpni zanah Zonunmawi Office, |HP Hall chung berah chhut thin a ni a; a tuk Inrinni chawhma lamah Offset-a chhut tir thin a niin, Inrinni tlai leh Pathianni tukah te veng chhungah sem thin a ni. Thu chhuah tur nei chuan Information Centre kan tarlanah leh Market kawngpui ân-a Zonunmawi Letter Box-ah te dah mai tur a ni e. Tin, veng chhung thuthar lawrkhawma Damlo kan chhuah thin hi kan hriat/buatsaih laia damdawiin-a awmte, a tuk chanchinbu chhuah ni (Inrinni)-a Damdawiin atanga lo chhuak leh hman tawhte pawh an awm thin bawk.
Veng a lo zauin, chhungkua kan lo pung zel a, chanchinbu buatsaihtute hi kan lo indaih vek thin loh avangin hriat sual/chhuah sual leh chhuah hmaih palh pawh kan nei fo mai. Veng chhung mipuite hriatthiamna kan ngen rualin, mahni thenawm hnai leh Section danga mi pawh, thuthar/damlo leh damdawiin-a awm kan hriat chu Zonunmawi Editorial Board-ah hriattir hram hram turin kan inngen leh e.
Veng chhung leh mipuite tana tha tur rawtna leh article-te han ziak zel teh u; veng chhung mipuite thuziah chhuah tur a tam hian a lawmawm a, kan ta bik hliah hliah a ni. He Zonunmawi chanchinbu hi veng chhung mipuite ta a ni tih i hre thar reng ang u khai.
Zonunmawi chhiar duh tan:
ZONUNMAWI August 25,2012
No comments:
Post a Comment