18 August 2012
YMA MISSION VENGTHLANG BRANCH MI BO ZAWNGIN A THAWKCHHUAK
Kar kalta Aug. ni 11, 2012 (Inrinni) tlai lama chin hriatloh a bo Tv. Zothansanga (Tete-a), Zotlang leh Nl. Ruth Lalawmpuii, Ramhlun ‘N’ te chu ngawrh taka zawn chhunzawm zel an ni a. Aug. ni 17, 2012 (Zirtawpni) thleng kha chuan an chinchang engmah hriat a la awm rih lo. Tui lianin a la ni a hriatna hmun a tanga Tlawngdung, Sairang leh Hortoki thlengin mi tlawmngaite’n an la zawng mek zel a ni. Chinhriatloha an awm tuk atang khan veng hrang hrang atanga mi tlawm ngai te’n mahni remchan ang angin an zawng a, lui dungah chhun leh zan zawmin an riahchilh reng bawk.
CHANCHIN KIMCHANG: TV lamah zan tin chanchin kimchang kan hre reng thei a, hmalak dan tlangpui leh mi tlawmngaite thawhchhuah dante, heta tana mamawh hrang hrang leina tur sum leh pai lama theihtawp lo chhuah pawh kan awm zel a, a lawmawmin Mizo nih hi a thlamuan thlakin, tlawmngaihna hi a lo la par vul reng a ni.
BRANCH-IN THILPEK A HLAN: Tui lianin a la nia rin an nih avangin lui dungah an ruang zawn hna thawh a ni ber a, Aug. ni 13, 2012 (Thawhtanni) atang khan kan veng atangin YMA member tlawmngaite anmahni remchan ang angin an kal nitin a, Aug. ni 16, 2012 (Ningani) thlengin Branch pum huap erawh chuan kan la in au khawm rih lova, amaherawhchu Branch YMA chuan Aug. ni 16, 2012 (Ningani) khan hnatlanga thawkchhuakte mamawh atana hman turin Zotlang Branch YMA hnenah Rs 2000/- a hlan a ni.
BRANCH KAN THAWKCHHUAK E: Central YMA chuan awlsam, zangkhai leh daihrei deuh zawka ruang zawn hna thawh a nih zel theihnan a inchhawka zawn hna thawk turin Branch-te a ruat a. Kan Branch chu Aug. ni 17, 2012 (Zirtawpni)-a thawkchhuak tura ruat kan nih angin mi 70 chuang zet kan thawk chhuak a ni. Reiek kai lama kal tura ruat kan ni a, hemi ni hian Reiek kai lam atangin Branch 11 atanga member 500 chuangin ruang zawn hna hi ngawrh taka beih a ni.
HMALAK DAN TLANGPUI: Tui a len avang leh tui a nut avangin tui chhungah ruang zawn hna hi thawh a harsa hle a, tui a an lang leh vaukam hnawmhnawk zingah an lo tang mial em tih zawn chu thawh theihchhun a ni deuh ber. Zirtawpni hian Sairang leh Nghalchawm atangin tui thiamte an lo kal leh a, motor lian ke tube pump puar eng emaw zat tawn khawmah chuangin lui dung chu Sairang thlenga kal turin an zawh thla bawk. Lui dungah a khat tawkin camp siam a ni a, hengah te hian chhun zan zawmin riah leh awmchilh reng a ni.
_________________
FAM ROLUNG MUAL:
Hming : ZOTHANKHUMA
Kum : 40
Kohhran : Presbyterian
Thihni : Aug. ni 14, 2012. 4:15 AM
Vui Hun : Aug. ni 14, 2012. 1:00 PM
Vuitu : Pastor Lalbiakvulmawia
Pu Zothankhuma hi Pu J. Vanlalchhawna (L) leh Pi Lalzarmawii-te inkarah February ni 1, 1972 khan Phuaibuang khuaah a piang a; pianpui unau, mipa 3 leh hmeichhe 3 a nei a, fa 3, mipa pahnih leh hmeichhia pakhat a nei bawk.
Pu Zothankhuma hi naupang nungchang tha, mi zakzum, thenrual ngaina mi tak a ni a. Kum 1979 khan Phuaibuang khua atangin Aizawl-ah an chhungkuain an rawn pem thla a. Bungkawn Veng-a hun rei tak an awm hnuah, kum 2008 khan Mission Vengthlang-ah an chhungkua-in an rawn insawn a ni.
Pu Zothankhuma hi pum lam that loh avangin June ni 15, 2011 khan Aizawl Hospital-ah admit a ni a. Kar khat a awm hnua damdawi in atanga a chhuah hnu hian dam lohna chi hrang hrangin a tlakbuak zui a ni.
Pu Zothankhuma hi a tleirawl laiin khawvel sualnain a man ve a, harsatna hrang hrangin a tlakbuak ve thin. Tun hmaa camping lut duh ngai lo thin kha luh duhna thinlungte neiin tun hnaia Mission Vengthlang Presbyterian Kohhran-in Revival Fire Team ruai a, July ni 30 atanga Nunthar Camping an buatsaihah khan a lut ve a; he camping hian a nun nasa taka lo danglamin Pathianah a inhlan a ni.
Camping hi taksa bawrhsawmna nei chunga lut a nih avangin Camping puipate chuan a dinhmun a tha tawk lova an hriat avangin Kohhran Committee-te leh a chhungte an biakrawn hnuah August ni 4, 2012 khan Synod Hospital, Durtlang-ah a pum a puar avangin admit a ni a. Damdawi in-a enkawl a nih mek laiin, August ni 14, 2012 (Thawhlehni) zing dar 4:15 khan Chatuan Ram min pan san ta a ni.
Pu Zothankhuma ruang hi August ni 14, 2012 chawhnu dar 1:00-ah Pastor Lalbiakvulmawia’n In lamah vuiin, Upa K. Lalengzaua’n thlanmual-ah a thlah liam ta a ni. YMA member a nih avangin August ni 16, 2012 (Ningani) zanah Branch YMA chuan ralna hun a hmang.
_______________________
RUANG CHHUAK: Pi Helen Zothanpari (kum 42) w/o Pu C. Lalhmunliana, Champhai Kahrot Veng chu Aug. ni 14, 2012 (Thawhlehni) khan Kolkata-ah a thi a; a ruang hi Aug. ni 15, 2012 (Nilaini)-ah Aizawl rawn phurh thlen a niin, a pa Pu Vanlalbawiha, A Section hnenah chawlhpui a ni a, chhungkhat laina, thenrual thaten thlahna hun hmangin Bialtu Pastor Lalbiakvulmawia’n hunserh a hman zawhah chawhnu lam dar 3:00-ah an khua panpui lehnghal a ni.
Pi Helen-i hi a nulat lai chuan kan veng YMA-ah Section hruaitute pawh lo ni tawh thin a ni a; Kohhran leh KTP-ah te theihtawpa Pathian rawngbawl a a hun lo hmang tawh thin a ni. Champhai-ah Lecturer-in a awm a, pasal neiin Champhai-ah hian an khawsa zui ta a ni. A thluak a cancer-a Kolkata-ah zai a niin vanduaithlak takin a nunna an chhan thei ta lova, Fanu kum 5 leh fapa kum 4 mi a kalsan a ni.
_________________
THLANMUAL-AH JCB A CHE: Thlanmual kawng hrut mam leh luikawr siam hna chu Local Council-te hmalaknain JCB hmanga thawh chhun zawm zel a ni. Local Council member-te hian nitin JCB hnathawk hi a hmunah an awm chilh a, ngawrh taka hna hi thawh a ni. Tin, thlanlaite’n thlan nghah paha an infiamna tur Volley Ball khelhna tur pawh zau taka laih zawh a ni ta. Khua a that chuan lirthei eng chi pawhin Thlanmual-ah hian kal theih tura kawng hi chei mek zel a ni a, heng kawng hrut mam leh luikawr siam hnate zawh a nih a, khaw tuihul deuhah MP Fund atanga la siam chhunzawm zel tur a ni. Amaherawhchu, MP Fund kan hmuh hian thui tak a siam theih dawn lohva, veng chhung mipuite kan theih ang ang a sum leh paia kan la tan tlan zel pawh a ngai dawn e. Thlanmual kawng tha kan neih theih nan theihtawp i chhuah tlang zel ang u.
YMA MISSION VENGTHLANG BRANCH MI BO ZAWNGIN A THAWKCHHUAK
Kar kalta Aug. ni 11, 2012 (Inrinni) tlai lama chin hriatloh a bo Tv. Zothansanga (Tete-a), Zotlang leh Nl. Ruth Lalawmpuii, Ramhlun ‘N’ te chu ngawrh taka zawn chhunzawm zel an ni a. Aug. ni 17, 2012 (Zirtawpni) thleng kha chuan an chinchang engmah hriat a la awm rih lo. Tui lianin a la ni a hriatna hmun a tanga Tlawngdung, Sairang leh Hortoki thlengin mi tlawmngaite’n an la zawng mek zel a ni. Chinhriatloha an awm tuk atang khan veng hrang hrang atanga mi tlawm ngai te’n mahni remchan ang angin an zawng a, lui dungah chhun leh zan zawmin an riahchilh reng bawk.
CHANCHIN KIMCHANG: TV lamah zan tin chanchin kimchang kan hre reng thei a, hmalak dan tlangpui leh mi tlawmngaite thawhchhuah dante, heta tana mamawh hrang hrang leina tur sum leh pai lama theihtawp lo chhuah pawh kan awm zel a, a lawmawmin Mizo nih hi a thlamuan thlakin, tlawmngaihna hi a lo la par vul reng a ni.
BRANCH-IN THILPEK A HLAN: Tui lianin a la nia rin an nih avangin lui dungah an ruang zawn hna thawh a ni ber a, Aug. ni 13, 2012 (Thawhtanni) atang khan kan veng atangin YMA member tlawmngaite anmahni remchan ang angin an kal nitin a, Aug. ni 16, 2012 (Ningani) thlengin Branch pum huap erawh chuan kan la in au khawm rih lova, amaherawhchu Branch YMA chuan Aug. ni 16, 2012 (Ningani) khan hnatlanga thawkchhuakte mamawh atana hman turin Zotlang Branch YMA hnenah Rs 2000/- a hlan a ni.
BRANCH KAN THAWKCHHUAK E: Central YMA chuan awlsam, zangkhai leh daihrei deuh zawka ruang zawn hna thawh a nih zel theihnan a inchhawka zawn hna thawk turin Branch-te a ruat a. Kan Branch chu Aug. ni 17, 2012 (Zirtawpni)-a thawkchhuak tura ruat kan nih angin mi 70 chuang zet kan thawk chhuak a ni. Reiek kai lama kal tura ruat kan ni a, hemi ni hian Reiek kai lam atangin Branch 11 atanga member 500 chuangin ruang zawn hna hi ngawrh taka beih a ni.
HMALAK DAN TLANGPUI: Tui a len avang leh tui a nut avangin tui chhungah ruang zawn hna hi thawh a harsa hle a, tui a an lang leh vaukam hnawmhnawk zingah an lo tang mial em tih zawn chu thawh theihchhun a ni deuh ber. Zirtawpni hian Sairang leh Nghalchawm atangin tui thiamte an lo kal leh a, motor lian ke tube pump puar eng emaw zat tawn khawmah chuangin lui dung chu Sairang thlenga kal turin an zawh thla bawk. Lui dungah a khat tawkin camp siam a ni a, hengah te hian chhun zan zawmin riah leh awmchilh reng a ni.
_________________
FAM ROLUNG MUAL:
Hming : ZOTHANKHUMA
Kum : 40
Kohhran : Presbyterian
Thihni : Aug. ni 14, 2012. 4:15 AM
Vui Hun : Aug. ni 14, 2012. 1:00 PM
Vuitu : Pastor Lalbiakvulmawia
Pu Zothankhuma hi Pu J. Vanlalchhawna (L) leh Pi Lalzarmawii-te inkarah February ni 1, 1972 khan Phuaibuang khuaah a piang a; pianpui unau, mipa 3 leh hmeichhe 3 a nei a, fa 3, mipa pahnih leh hmeichhia pakhat a nei bawk.
Pu Zothankhuma hi naupang nungchang tha, mi zakzum, thenrual ngaina mi tak a ni a. Kum 1979 khan Phuaibuang khua atangin Aizawl-ah an chhungkuain an rawn pem thla a. Bungkawn Veng-a hun rei tak an awm hnuah, kum 2008 khan Mission Vengthlang-ah an chhungkua-in an rawn insawn a ni.
Pu Zothankhuma hi pum lam that loh avangin June ni 15, 2011 khan Aizawl Hospital-ah admit a ni a. Kar khat a awm hnua damdawi in atanga a chhuah hnu hian dam lohna chi hrang hrangin a tlakbuak zui a ni.
Pu Zothankhuma hi a tleirawl laiin khawvel sualnain a man ve a, harsatna hrang hrangin a tlakbuak ve thin. Tun hmaa camping lut duh ngai lo thin kha luh duhna thinlungte neiin tun hnaia Mission Vengthlang Presbyterian Kohhran-in Revival Fire Team ruai a, July ni 30 atanga Nunthar Camping an buatsaihah khan a lut ve a; he camping hian a nun nasa taka lo danglamin Pathianah a inhlan a ni.
Camping hi taksa bawrhsawmna nei chunga lut a nih avangin Camping puipate chuan a dinhmun a tha tawk lova an hriat avangin Kohhran Committee-te leh a chhungte an biakrawn hnuah August ni 4, 2012 khan Synod Hospital, Durtlang-ah a pum a puar avangin admit a ni a. Damdawi in-a enkawl a nih mek laiin, August ni 14, 2012 (Thawhlehni) zing dar 4:15 khan Chatuan Ram min pan san ta a ni.
Pu Zothankhuma ruang hi August ni 14, 2012 chawhnu dar 1:00-ah Pastor Lalbiakvulmawia’n In lamah vuiin, Upa K. Lalengzaua’n thlanmual-ah a thlah liam ta a ni. YMA member a nih avangin August ni 16, 2012 (Ningani) zanah Branch YMA chuan ralna hun a hmang.
_______________________
RUANG CHHUAK: Pi Helen Zothanpari (kum 42) w/o Pu C. Lalhmunliana, Champhai Kahrot Veng chu Aug. ni 14, 2012 (Thawhlehni) khan Kolkata-ah a thi a; a ruang hi Aug. ni 15, 2012 (Nilaini)-ah Aizawl rawn phurh thlen a niin, a pa Pu Vanlalbawiha, A Section hnenah chawlhpui a ni a, chhungkhat laina, thenrual thaten thlahna hun hmangin Bialtu Pastor Lalbiakvulmawia’n hunserh a hman zawhah chawhnu lam dar 3:00-ah an khua panpui lehnghal a ni.
Pi Helen-i hi a nulat lai chuan kan veng YMA-ah Section hruaitute pawh lo ni tawh thin a ni a; Kohhran leh KTP-ah te theihtawpa Pathian rawngbawl a a hun lo hmang tawh thin a ni. Champhai-ah Lecturer-in a awm a, pasal neiin Champhai-ah hian an khawsa zui ta a ni. A thluak a cancer-a Kolkata-ah zai a niin vanduaithlak takin a nunna an chhan thei ta lova, Fanu kum 5 leh fapa kum 4 mi a kalsan a ni.
_________________
THLANMUAL-AH JCB A CHE: Thlanmual kawng hrut mam leh luikawr siam hna chu Local Council-te hmalaknain JCB hmanga thawh chhun zawm zel a ni. Local Council member-te hian nitin JCB hnathawk hi a hmunah an awm chilh a, ngawrh taka hna hi thawh a ni. Tin, thlanlaite’n thlan nghah paha an infiamna tur Volley Ball khelhna tur pawh zau taka laih zawh a ni ta. Khua a that chuan lirthei eng chi pawhin Thlanmual-ah hian kal theih tura kawng hi chei mek zel a ni a, heng kawng hrut mam leh luikawr siam hnate zawh a nih a, khaw tuihul deuhah MP Fund atanga la siam chhunzawm zel tur a ni. Amaherawhchu, MP Fund kan hmuh hian thui tak a siam theih dawn lohva, veng chhung mipuite kan theih ang ang a sum leh paia kan la tan tlan zel pawh a ngai dawn e. Thlanmual kawng tha kan neih theih nan theihtawp i chhuah tlang zel ang u.
No comments:
Post a Comment