11 August 2012
MISSION VENGTHLANG LOCAL COUNCIL KOHIN VANTLANG HNATLANG TUM HNIH NEIH A NI
Mission Vengthlang Local Council chuan July ni 28, 2012 (Inrinni) leh Aug. ni 4, 2012 (Inrinni) te khan Thlanmual kawng-ah vantlang hnatlang a koh a, thawk chhuak an tha thawkhat hle. Thlanmual kawng siam nan hian Pu Lalhmingliana, MP (RS) atangin MP Fund cheng nuai sawm (10 lakhs) hmuh a ni a, awlsam zawka hna thawh a nih theih nan kawng hi lo siam rual lawk a ni. Furpuiin min chiah mek lai a nih avangin hna hi tan mai theih a la ni lova, tunah hian kawng chhuat tih mam leh luikawr siam that hna te, leimin paih hna te lo thawh lawk a ni.
1. HNATLANG KAL DAN: Vantlang hnatlang a nih avangin chhungtin atangin mi pakhat tal thawk chhuak tura ngen kan ni a, hetiang hi hnatlang thawhchhuah dan a ni.
July ni 28, 2012 (Inrinni)-ah:
Y Section — 77; M Section — 146; A Section — 129
August ni 4, 2012 (Inrinni)-ah:
Y Section — 97; M Section — 135; A Section — 105
2. HNATLANG PHATNA ATANGA SUM HMUH: July ni 28, 2012-ah hnatlang theilo phatna pek atangin Rs. 28,000/- (Singhnih sangriat) leh Aug. ni 4, 2012-ah Rs 29,800/- hmuh a ni a. Tin, hnatlang lo, pha bawk si lo runna atangin July ni 28, 2012-ah Rs 5,800/- hmuh a ni bawk. Aug. ni 4, 2012-a hnatlang lo, pha bawk si lo runna hi la hmuh kim loh a ni a, tarlan rih loh a ni e.
3. HNA THAWH CHHUNZAWM A NI: Hnatlanga thawh bak leimin paih fai leh tuihawk luankawr siam that hna chu JCB hmangin thawh chhunzawm nghal a ni a, Aug. ni 8-10, 2012 chhung khan hna hi thawh a ni. Pu Lalthangliana Murray, M Section chuan JCB hman tur hi ngaihtuahin hnatlang phatna atanga sum tling khawmin Desiel leh mamawh tul dangte lei a ni. Tunah chuan khua a that chuan motor te pawhin thlanmual a kal leh theih ta a, a lawmawm hle.
4. LAWMTHU: Mission Vengthlang Local Council chuan hnatlanga thawk chhuak zawng zawngte, hnatlang ve theilo phatna leh runna petu zawng zawngte chungah lawmthu a sawi a, tin, JCB hman man awm lova ngaihtuahtu Pu Lalthangliana Murray, M Section chungah lawmthu a sawi bawk e.
______________________________
CLEAN & BEAUTIFICATION CAMPAIGN: Clean Mission Vengthlang Committee hnuaia Clean & Beautification Sub-Committee chuan Faina chungchangah inzirtirna campaign a neih chhunzawm mek zel. Aug. ni 10, 2012 (Zirtawpni) chawhnu dar 1:00 khan Synod Hiher Secondary School-ah Faina Campaign hi a nei leh a, he hunah hian Synod HSS zirtirtute leh zirlai 1000 vel zet an kalkhawm a ni. Pu Lalremmuana, Vice Chairman, Clean & Beautification Sub-Committee chuan thu sawiin, Synod HSS lam atangin thusawi leh zai ngaihthlak a ni bawk. Clean & Beautification Sub-Committee chuan bawlhhlawh bawm 30 a hlan nghal bawk a ni. Programme hlimawm leh hlawk tak an hman zawh hian veng chhung kawngpui dungah Faina hnatlang an nei zui nghal a, kawng dunga bawlhhlawhte an thianfai nghal a ni.
Full a chhiar duh tan:
ZONUNMAWI-August-11-2012
MISSION VENGTHLANG LOCAL COUNCIL KOHIN VANTLANG HNATLANG TUM HNIH NEIH A NI
Mission Vengthlang Local Council chuan July ni 28, 2012 (Inrinni) leh Aug. ni 4, 2012 (Inrinni) te khan Thlanmual kawng-ah vantlang hnatlang a koh a, thawk chhuak an tha thawkhat hle. Thlanmual kawng siam nan hian Pu Lalhmingliana, MP (RS) atangin MP Fund cheng nuai sawm (10 lakhs) hmuh a ni a, awlsam zawka hna thawh a nih theih nan kawng hi lo siam rual lawk a ni. Furpuiin min chiah mek lai a nih avangin hna hi tan mai theih a la ni lova, tunah hian kawng chhuat tih mam leh luikawr siam that hna te, leimin paih hna te lo thawh lawk a ni.
1. HNATLANG KAL DAN: Vantlang hnatlang a nih avangin chhungtin atangin mi pakhat tal thawk chhuak tura ngen kan ni a, hetiang hi hnatlang thawhchhuah dan a ni.
July ni 28, 2012 (Inrinni)-ah:
Y Section — 77; M Section — 146; A Section — 129
August ni 4, 2012 (Inrinni)-ah:
Y Section — 97; M Section — 135; A Section — 105
2. HNATLANG PHATNA ATANGA SUM HMUH: July ni 28, 2012-ah hnatlang theilo phatna pek atangin Rs. 28,000/- (Singhnih sangriat) leh Aug. ni 4, 2012-ah Rs 29,800/- hmuh a ni a. Tin, hnatlang lo, pha bawk si lo runna atangin July ni 28, 2012-ah Rs 5,800/- hmuh a ni bawk. Aug. ni 4, 2012-a hnatlang lo, pha bawk si lo runna hi la hmuh kim loh a ni a, tarlan rih loh a ni e.
3. HNA THAWH CHHUNZAWM A NI: Hnatlanga thawh bak leimin paih fai leh tuihawk luankawr siam that hna chu JCB hmangin thawh chhunzawm nghal a ni a, Aug. ni 8-10, 2012 chhung khan hna hi thawh a ni. Pu Lalthangliana Murray, M Section chuan JCB hman tur hi ngaihtuahin hnatlang phatna atanga sum tling khawmin Desiel leh mamawh tul dangte lei a ni. Tunah chuan khua a that chuan motor te pawhin thlanmual a kal leh theih ta a, a lawmawm hle.
4. LAWMTHU: Mission Vengthlang Local Council chuan hnatlanga thawk chhuak zawng zawngte, hnatlang ve theilo phatna leh runna petu zawng zawngte chungah lawmthu a sawi a, tin, JCB hman man awm lova ngaihtuahtu Pu Lalthangliana Murray, M Section chungah lawmthu a sawi bawk e.
______________________________
CLEAN & BEAUTIFICATION CAMPAIGN: Clean Mission Vengthlang Committee hnuaia Clean & Beautification Sub-Committee chuan Faina chungchangah inzirtirna campaign a neih chhunzawm mek zel. Aug. ni 10, 2012 (Zirtawpni) chawhnu dar 1:00 khan Synod Hiher Secondary School-ah Faina Campaign hi a nei leh a, he hunah hian Synod HSS zirtirtute leh zirlai 1000 vel zet an kalkhawm a ni. Pu Lalremmuana, Vice Chairman, Clean & Beautification Sub-Committee chuan thu sawiin, Synod HSS lam atangin thusawi leh zai ngaihthlak a ni bawk. Clean & Beautification Sub-Committee chuan bawlhhlawh bawm 30 a hlan nghal bawk a ni. Programme hlimawm leh hlawk tak an hman zawh hian veng chhung kawngpui dungah Faina hnatlang an nei zui nghal a, kawng dunga bawlhhlawhte an thianfai nghal a ni.
Full a chhiar duh tan:
ZONUNMAWI-August-11-2012
No comments:
Post a Comment